"Qulaqcıqların insana zərəri var. Lakin burada hər şey istifadə qaydasından asılıdır. Birbaşa qulağın içinə daxil edilən qulaqcıqların fəsadı daha çoxdur".
BAKU.WS xəbər verir ki, bu sözləri Real TV-yə açıqlamasında audioloq Firuzə Qəniyeva bildirib.
"Bizim xarici qulaq seyvanımızın lokator rolu vardır. Səs gəlir oradan süzülür müəyyən qədər öz enerjisini itirir və ondan sonra bizim qulağımıza daxil olur. Biz qulaqcığı içəri saldığımız zaman yüksək təzyiqli səs birbaşa qulaq pərdəmizə çırpılır. İtirməsi lazım olan enerjini itirmir və çoxusunu bizim qulağımıza təzyiqlə göndərir. Bunun nəticəsində eşitmədə əngəl yaranma riskini artırır", - deyə həkim əlavə edib.
Altv1.info.az