Yasamalda Zəfər Günü qeyd edildi - Fotolar

442 6-11-2023, 11:00 Sosial

Yasamalda Zəfər Günü qeyd edildi - Fotolar

Zəfər Günü münasibətilə Yasamal Rayon İcra Hakimiyyətinin və Yeni Azərbaycan Partiyası Yasamal rayon təşkilatının birgə təşkilatçılığı ilə “Tarixi zəfərimiz Heydər Əliyev siyasətinin təntənəsidir” adlı bayram tədbiri keçirilib.
Altv1.info.az xəbər verir ki, Azərbaycan Milli Konservatoriyasında baş tutan tədbirdə şəhid ailələrinin üzvləri, qazilər, dövlət rəsmiləri, millət vəkilləri, hüquq-mühafizə orqanlarının rəhbərləri, ali məktəb rektorları və ictimaiyyət nümayəndələri iştirak ediblər.
Azərbaycan Milli Konservatoriyasının rektoru Siyavuş Kərimi çıxış edərərk Zəfər Günü münasibətilə hər kəsi təbrik edib.
Yasamal Rayon İcra Hakimiyyətinin başçısı Elşad Həsənov Ali Baş Komandan İlham Əliyevin rəhbərliyi ilə Vətən müharibəsində qazanılan qələbənin Azərbaycan tarixinin ən parlaq səhifələrindən biri kimi yaddaşlara həkk olunduğu bildirib.
Qeyd edilib ki, əsası ümummilli lider Heydər Əliyev tərəfindən qoyulmuş ordu quruculuğu strategiyasının Ali Baş Komandan İlham Əliyev tərəfindən uğurla davam etdirilməsi nəticəsində Qarabağ azad edilib və Azərbaycanın ərazi bütövlüyü və suverenliyi tam bərpa edilib.
Elşad Həsənov bildirib ki, Azərbaycan Prezidenti İlham Əliyev 8 noyabr 2020-ci il tarixində Şuşanın ermənilərdən azad edilməsi münasibətilə xalqa müraciəti böyük tarixi bir hadisə olub.
Uzun illər boyu bütün Azərbaycan xalqı belə bir çıxış gözləyir və arzular qururdu. Bu gün Azərbaycan bayrağı Şuşada, Xankəndində və digər azad edilmiş torpaqlarımızda dalğalanır.
Bildirilib ki, ulu öndərin 100 illiyi qeyd olunduğu bir vaxtda Qarabağda suverenliyimizin tam bərpası böyük rəmzi məna daşıyır. Bu gün Qarabağda geniş miqyaslı quruculuq və bərpa işləri həyata keçirilir,milli-mədəni abidələrimiz bərpa edilir. Elşad Həsənov bu mənada Heydər Əliyev Fondunun Prezidenti, Azərbaycanın Birinci vitse-prezidenti Mehriban xanım Əliyevanın xüsusi əmək və zəhmətini vurğulayıb.
Daha sonra çıxış edən Azərbaycan Respublikası Milli Məclisi Sədrinin müavini Adil Əliyev 44 günlük Vətən müharibəsinin Azərbaycan tarixinə qızıl hərflərlə yazıldığını bildirdi.Buna görə biz Ali Baş Komandan İlham Əliyev, şəhid və qazilərimizə borcluyuq. Adil Əliyev Yasamal rayonunun şəhid ailələrinə və qazilərə göstərilən diqqət və qayğıya görə öndə gedən rayonlardan biri olduğunu da vurğulayıb. Tədbirin sonunda Zəfər Gününün möhtəşəmliyinə incəsənət xadimlərinin ifaları xüsusi rəng qataraq tədbir iştirakçılarına həssas anlar yaşadıb.







Altv1.info.az

XƏBƏR LENTİ